Ko hurumutu te reo: Ko te matenga o te reo ki Ōtākou

He aha te reo Māori i ngaro ai ki Ōtākou? He hiahia nō te hapū ki te whai i te rākau a te Pākehā. I whai rātou i te mātauranga me te whakapono o te Pākehā. Waihoki, tē taea e rātou te ao hou te karo. Ahakoa tērā, kei te pupuritia tonutia ngā tikanga o te kāinga. I uiuitia tētahi Taua o te kāinga e te kaituhi, ko Aunt Jean tōna ingoa ki te kāinga. Kei roto ia i te reanga tuatahi i tipu ki te reo Pākehā ki Ōtākou. He tino kaumātua o te kāinga, ā, i tau hoki tana tū ki tōna ao Māori. Ahakoa kāore ōna reo Māori, ehara i te mea, i te tangi ia mō te reo kei te memeha atu. Nō te tau 2013 ia i mate ai. He kōrero mōrehu kei roto nei mō ōna maumaharatanga ki te reo Māori, me ōna whakaaro mō reo Māori.