He manga wai e kore e Whitikia? Ngā au ripo o te reo rua, o te iwi kōrero Māori
He reo rua katoa te iwi kōrero Māori. Ko tētahi uaua o te whakaora i te reo Māori, ko te āta noho me te kōrero Māori. Nā whai anō ko te reo Pākehā te reo matua mō te nuinga o te iwi kōrero Māori. Ki te whakaarohia te manga, kua mau pea tātou ki te taha reo Pākehā o taua manga, kua kore e mōhio me pēhea rā e whiti atu ai ki te taha reo Māori. E tika ana, me mōhio te reo rua Māori ki ngā tahataha e rua, tō te reo Māori, tō te reo Pākehā, me te kanikani anō hoki i runga i te piriti i runga i ngā terenga wai e rere ana ki raro i a ia. E kāpuia ana te kōrerotia o ōna reo me tēnei tūāhuatanga e kīia nei he kōwhiri reo. Koinei te kaupapa nui i wānangahia i te tohu kairangi a te kaituhi. Ko tā tēnei tuhinga, he hoki atu ki ētahi o ngā wānanga i puta i taua tuhinga me te pātai he aha tātou e kore nei e whiti i tēnei wai reo? Arā, he aha tātou e mau nei ki te taha reo Pākehā? Me pēhea rā te whakaū i te mana o te reo rua, o te reo ruatanga, i roto I ngā mahi whakarauora i te reo Māori, e nui ake ai tā tātou kōrero Māori?
