Te ao Māori

He kipakipa mutunga kore kua oho ake i te whatumanawa o te tangata kia mōhio anō ia ki ngā taonga tuku iho a ōna mātua tūpuna. E kitea ana i te hiakai o te iwi Māori whānui ki ngā kōrero mō Matariki, te maramataka Māori, te whakatere waka, te whakaora tikanga, me te tupu matomato rawa o ngā kaupapa whakarauora reo. Nā, ko te aronga nui o tēnei tuhinga he kuhu atu ki ngā kōrero tuku iho e pā ana ki ō tātou atua Māori. Inā rā, ko te matapae i tōna whai tikanga nui ki te whanaketanga o te tuakiri Māori, ka tahi.